"Наполи"нинг янги футболчиси Давид Нерес ўйиндан сўнг Неаполда талон-тарож қилинди.
Кеча Антонио Контре шогирдлари А Сериянинг 3-турида "Парма"ни 2:1 ҳисобида мағлуб этишди.
Бразилиялик вингер ғалаба голига пас берди. Футболчи 21 август куни “Бенфика”дан “адзуррилар” сафига келиб қўшилганди.
Учрашув бошланишидан олдин у мухлисларга Ромелу Лукаку, Скот Мактоминай ва Билли Гилмур билан бирга клубнинг янги футболчиси сифатида таништирилди.
Ўйиндан сўнг футболчи рафиқаси ва қизи билан меҳмонхонага қайтди. Стадион яқинида мотоциклдаги икки киши машинасини тўхтатиб, деразани синдириб, Нересга қурол кўрсатиб, унинг Ролекс соатини ўғирлаб кетишди, деб хабар бермоқда Calciomercato.
Воқеадан кейин футболчи мухлислар билан учрашишга бормай, меҳмонхонага шошилди. Кейинроқ унинг рафиқаси Кира Винона ижтимоий тармоқларда юз берган воқеа ҳақида гапириб, мухлисларидан узр сўради.
