“Ал-Иттиҳод” тез орада Франциянинг “ПСЖ” клуби ярим ҳимоячисини ўз сафига қўшиши мумкин. Журналист Фабрицио Романо хабарига кўра, Саудия Арабистони жамоаси Данило Перейра трансфери бўйича музокаралар олиб бормоқда.
Португалиялик парижликларнинг амалдаги устози Луис Энрикенинг режаларига киритилмаган. Шу сабабдан Саудия Арабистонида трансфер ойнаси очиқ экан раҳбарият футболчидан қутулмоқчи.
Перейра марказий ҳимоячи сифатида ҳам ўйнашга қодир, аммо португалиялик ўзининг кўп ўйинларини ярим ҳимоя чизиғида ўтказди.
