Сентябрь ойи охиригача Милан шаҳри катта эҳтимол билан 2027 йилги Чемпионлар лигаси финалини қабул қилишдан бош тортади.

Сабаби, 2026 йилнинг февралида қишки Олимпиаданинг очилиш маросимига мезбонлик қиладиган афсонавий «Сан-Сиро» стадиони жиддий реконструкцияга муҳтож. Арена шаҳарга тегишли бўлиб, унинг мэрияси инфратузилмани яхшилаш учун пул қидирмоқда.

2026 йилда «Сан-Сиро» 100 ёшга тўлади. Қишки Олимпия ўйинларидан сўнг у жиддий тарзда қайта тикланиши ёки бутунлай бузиб ташланиши мумкин. Муниципал стадионда ижара асосида ўйнаётган «Милан» ва «Интер» ҳозирча ўзаро ва шаҳар мэрияси билан «Сан-Сиро»нинг келажаги борасида келиша олмади.

2027 йилги Чемпионлар лигаси финалига келсак, шаҳар ва стадион 24 сентябрь куни Прагада эълон қилинади.