"Атлетико" ярим ҳимоячиси Пабло Барриос Миланнинг "Интер" клуби қизиқиш доирасига тушиб қолди.
21 ёшли футболчини "нерадзуррилар" раҳбарияти Симоне Индзаги жамоасидаги ўрнидан норози бўлган Давиде Фраттезининг ўрнини эгаллаши мумкин деб топди. Mundo Deportivo хабарига кўра, агар италиялик футболчи келаси ёзда "Интер"ни тарк этишга қарор қилса, миланликлар Барриосни қўлга киритишга ҳаракат қилишади. А Серия гиганти учун муаммо Олимпиада чемпионининг шартномасига киритилган 100 миллион евро товон пули бўлиши мумкин.
Transfermarkt экспертлари Пабло Барриоснинг нархини 25 миллион еврога баҳоламоқда. Ярим ҳимоячи "матрасчилар"нинг асосий таркибидаги 65 учрашувда 3 та гол урди ва 4 та голли узатмани амалга оширди.
