"Байер"нинг марказий ҳимоячиси Жонатан Та трансфер ойнасининг сўнгги кунларида "Бавария"га ўтиши мумкин эди.
Мюнхенликларнинг немис футболчиси ҳақидаги таклифлари "доричилар"нинг талабларини қаноатлантирмади, бироқ томонлар трансфер даври тугашига оз вақт қолганда муросага келишлари мумкин эди. Журналист Тоби Альтшеффлнинг сўзларига кўра, “Бавария” раҳбарияти Кингсли Коман сотилса, Тани сотиб олишга тайёр эди, бироқ франциялик футболчи клубда қолишга қарор қилди.
Қайд этилишича, “Бавария” Саудиянинг “Ал-Ҳилол” клубидан вингер учун 40 миллион евролик таклифни қабул қилган. Коман фаолиятини Европада давом эттиришни афзал кўрди, шунинг учун келишув амалга ошмади.
