"Bayer"ning markaziy himoyachisi Jonatan Ta transfer oynasining so‘nggi kunlarida "Bavariya"ga o‘tishi mumkin edi.

Myunxenliklarning nemis futbolchisi haqidagi takliflari "dorichilar"ning talablarini qanoatlantirmadi, biroq tomonlar transfer davri tugashiga oz vaqt qolganda murosaga kelishlari mumkin edi. Jurnalist Tobi Altshefflning so‘zlariga ko‘ra, “Bavariya” rahbariyati Kingsli Koman sotilsa, Tani sotib olishga tayyor edi, biroq fransiyalik futbolchi klubda qolishga qaror qildi.

Qayd etilishicha, “Bavariya” Saudiyaning “Al-Hilol” klubidan vinger uchun 40 million yevrolik taklifni qabul qilgan. Koman faoliyatini Yevropada davom ettirishni afzal ko‘rdi, shuning uchun kelishuv amalga oshmadi.