"Барселона"га янги келган Дани Ольмо жамоада рўйхатдан ўтишини кутишга тўғри келди. 26 ёшли испаниялик футболчининг трансфери 9 август куни эълон қилинган ва ҳужумкор ярим ҳимоячи фақатгина 27 августда дебютини ўтказишга муваффақ бўлганди.
“Мен рўйхатдан ўтишим билан боғлиқ вазият охир-оқибат ҳал қилинишини билардим. Албатта, имкон қадар тезроқ ўйнашни хоҳлардим, лекин бундай муаммо туғилиши мумкинлигини олдиндан билардим. “Райо Вальекано”га қарши ўйинда орзумдаги дебют қилишга муваффақ бўлдим. "Барселона" менга ҳақиқатан ҳам муҳтожлигини кўрсатди", деди Ольмо.
