"Кристал Пэлас"нинг ҳужумкор ярим ҳимоячиси Эберечи Эзе жамоада ўйнашда давом этади. "Бургутлар" етакчиси "Тоттенхэм", "Манчестер Юнайтед" ва "Манчестер Сити"га ўтиши мумкин эди, аммо бу борада аниқ ҳеч нарса чиқмади.
"Бу йигит ажойиб футболчи, ажойиб инсон. Ҳар қандай футбол клуби учун ҳақиқий совға. Унга биз башорат қилган қизиқишни кўрсатишмади. Мен бундан ҳайратда қолдим", деди “Кристал Пэлас” раҳбари Стив Периш.
Transfermarkt томонидан 55 миллион еврога баҳоланган Эберечи Эзе жорий мавсумда тўртта ўйинда иккита гол урди. Ўтган мавсумда 26 ёшли футболчи 31 ўйинда 11 гол ва 6 голга ассистентлик қилган.
