"Барселона" ярим ҳимоячиси Педри мураббийлар ўзгаришидан сўнг жамоадаги вазият ҳақида гапирди. Май ойида Каталония клуби Хави Эрнандесни бош мураббийликдан бўшатганини эълон қилганди.

Испаниялик ўринни Ханс-Дитер Флик эгаллади, унинг қўл остида "кўк-анорранглилар" Ла Лиганинг тўртта бошланғич учрашувида тўртта ғалабага эришди.

“Флик давридаги атмосфера? Хави доимо танқид қилинарди ва шунинг учун ҳаммаси ёмон кетаётганга ўхшарди. Энди вазият тинчроқ - Фликни оммавий ахборот воситаларида унчалик танқид қилишмайди. Мураббий ўйинга жиддийлик туйғусини келтирди, шу билан бирга у ўйинчиларга яқин бўлиб, баъзида ўзига ҳазил қилишига йўл қўяди", - деди Педри.