Марокаш терма жамоаси ярим ҳимоячиси Софьян Амрабат «Манчестер Юнайтед»да ўйнашда давом этиши мумкин эди. «Қизил иблислар» бош мураббийи Эрик тен Хаг футболчини таркибда сақлаб қолмоқчи эди. Софьян ўтган мавсумни муваффақиятли ўтказмади, аммо у якунда жамоага Англия кубогини қўлга киритишга ёрдам берди. Мутахассиснинг хоҳишига қарамай, клуб спорт директори Ден Эшуорт ва техник директор Жейсон Уилкокс трансферга тўсқинлик қилишди.
Натижада футболчи Туркиянинг «Фенербахче» клубида фаолиятини давом эттирадиган бўлди.
Амрабат «Манчестер Юнайтед»га қарши ўйинда ўзини кўрсатиши мумкин. Туркия клуби Европа лигасида ўз уйида «қизил иблислар»ни қабул қилади.
