"Барселона" футболчиси Ламин Ямал жароҳати сабаб Испания терма жамоасининг навбатдаги ўйинини ўтказиб юбориш хавфи бор.

17 ёшли вингер ўзини ноқулай ҳис қилмоқда ва шунинг учун унинг Сербияга қарши бўлажак Миллатлар лигаси ўйинида иштирок этиши шубҳа остида, дея хабар беради журналист Хоакин Марото. Бироқ, "қизил фурия" бош мураббийи Луис де ла Фуэнтенинг сўзларига кўра, гап фақат кичик жароҳат ҳақида кетмоқда.

Сербия ва Испания ўртасидаги ўйин 5 сентябрь куни бўлиб ўтади. Орадан 3 кун ўтиб Европанинг амалдаги чемпиони Швейцарияга қарши сафарда майдонга тушади.