"Верона"нинг ўнг қанот ҳимоячиси Жексон Тчатчуага А Серия гигантлари қизиқиш билдирмоқда.
Миланнинг “Интер” клуби 22 ёшли футболчини Дензел Дюмфриснинг ўрнини босувчи футболчи сифатида кўрмоқда. Журналист Николо Скиранинг сўзларига кўра, “Наполи” ҳам камерунликни кузатиб бормоқда. Неаполликлар бош мураббийи Антонио Конте Тчатчуанинг иқтидорини юқори баҳолайди ва уни ўтган ёзда ўз жамоасида кўришни хоҳлаганди, бироқ трансфер ойнасининг сўнгги кунларида у латерални ўзига жалб қила олмади. Неаполликлар, эҳтимол, январда келишувни якунлашга ҳаракат қилишади.
Жексон Тчатчуанинг нархи, Transfermarkt маълумотларига кўра, 3 миллион евро. Футболчи “Верона” сафида 31 та ўйин ўтказиб, битта гол ва иккита голли узатмага муаллифлик қилган.
