"Verona"ning o‘ng qanot himoyachisi Jekson Tchatchuaga A Seriya gigantlari qiziqish bildirmoqda.

Milanning “Inter” klubi 22 yoshli futbolchini Denzel Dyumfrisning o‘rnini bosuvchi futbolchi sifatida ko‘rmoqda. Jurnalist Nikolo Skiraning so‘zlariga ko‘ra, “Napoli” ham kamerunlikni kuzatib bormoqda. Neapolliklar bosh murabbiyi Antonio Konte Tchatchuaning iqtidorini yuqori baholaydi va uni o‘tgan yozda o‘z jamoasida ko‘rishni xohlagandi, biroq transfer oynasining so‘nggi kunlarida u lateralni o‘ziga jalb qila olmadi. Neapolliklar, ehtimol, yanvarda kelishuvni yakunlashga harakat qilishadi.

Jekson Tchatchuaning narxi, Transfermarkt ma’lumotlariga ko‘ra, 3 million yevro. Futbolchi “Verona” safida 31 ta o‘yin o‘tkazib, bitta gol va ikkita golli uzatmaga mualliflik qilgan.