"Манчестер Сити" ярим ҳимоячиси Матео Ковачич жамоада қолади. Бу ҳақда инсайдер Фабрицио Романо маълум қилди.
Аввалроқ, 30 ёшли ярим ҳимоячи фаолиятини Саудиянинг "Ан-Наср" клубида давом эттириши мумкинлиги ҳақида маълумотлар пайдо бўлганди. Манбага кўра, Ковачичнинг Саудия Арабистонига ўтиши борасида музокаралар олиб борилмаяпти.
"Эҳтимол, январь ойида бирор нарса содир бўлар, лекин ҳозир бу содир бўлмайди ва бу маълумот қаердан келгани умуман номаълум" - деди Романо.
Эслатиб ўтамиз, Ковачич “Манчестер Сити”да 2023 йилнинг ёзидан буён ўйнаб келмоқда. Ярим ҳимоячининг "шаҳарликлар" билан амалдаги меҳнат шартномаси 2026/27 йилги мавсум охиригача амал қилади. Transfermarkt футболчининг нархини 30 миллион еврога баҳоламоқда.
