Эрик тен Хаг Антонини “Манчестер Юнайтед”да сақлаб қолиш ниятида.
ESPN хабарига кўра, футболчининг ўзи "Фенербахче" қизиқишларига қарамай, клубда қолишга қарор қилган. Бразилиялик футболчи тез-тез ўйнашни истайди, бироқ турк клубидан расмий таклиф бўлса ҳам у "Олд Траффорд"да қолишни афзал кўради. Туркияда трансфер ойнаси жумагача очиқ бўлади.
Қайд этилишича, Эрик тен Хаг Буюк Британиядаги трансфер ойнасининг сўнгги кунида Жэйдон Санчо "Челси"га ўтганидан кейин 24 ёшли вингерни йўқотишни истамайди.
Антони "Юнайтед"нинг жорий мавсумда Премьер-лигадаги дастлабки учта ўйинида атиги бир дақиқа ўйнади.
