2018 йилда футбол қоидаларига киритилган ВАР тизими ҳакамлар ишини анча соддалаштирди. Шунга қарамай, ҳакам томонидан қабул қилинган қарорлар нафақат оддий мухлислар, балки шарҳловчилар орасида ҳам кўпинча ҳайратга сабаб бўлмоқда. Ҳакамлар ва жамоатчилик ўртасидаги алоқани яхшилаш учун ФИФА уларга бевосита томошабинларга мурожаат қилишга рухсат берди.
Бу ҳақда Франция футбол федерацияси президенти Филипп Диалло маълум қилди. ФИФА Франция стадионларида ҳакамларга ВАР аралашувидан сўнг қабул қилинган қарорларни тушунтиришга имкон берадиган овоз тизими жорий этилишини синаб кўриш учун яшил чироқ ёқди. Бироқ, якуний қарор Франция футбол лигалари раҳбариятига тегишли бўлиб, улар бу тажрибани ўтказишдан бош тортиши мумкин.
“Ушбу тизим Аргентинада бўлиб ўтган 20 ёшгача бўлган ўсмирлар ўртасидаги жаҳон чемпионати ва Австралияда бўлиб ўтган аёллар ўртасидаги жаҳон чемпионатида қўлланилган", - деди Диалло.
