2018 yilda futbol qoidalariga kiritilgan VAR tizimi hakamlar ishini ancha soddalashtirdi. Shunga qaramay, hakam tomonidan qabul qilingan qarorlar nafaqat oddiy muxlislar, balki sharhlovchilar orasida ham ko‘pincha hayratga sabab bo‘lmoqda. Hakamlar va jamoatchilik o‘rtasidagi aloqani yaxshilash uchun FIFA ularga bevosita tomoshabinlarga murojaat qilishga ruxsat berdi.
Bu haqda Fransiya futbol federasiyasi prezidenti Filipp Diallo ma’lum qildi. FIFA Fransiya stadionlarida hakamlarga VAR aralashuvidan so‘ng qabul qilingan qarorlarni tushuntirishga imkon beradigan ovoz tizimi joriy etilishini sinab ko‘rish uchun yashil chiroq yoqdi. Biroq, yakuniy qaror Fransiya futbol ligalari rahbariyatiga tegishli bo‘lib, ular bu tajribani o‘tkazishdan bosh tortishi mumkin.
“Ushbu tizim Argentinada bo‘lib o‘tgan 20 yoshgacha bo‘lgan o‘smirlar o‘rtasidagi jahon chempionati va Avstraliyada bo‘lib o‘tgan ayollar o‘rtasidagi jahon chempionatida qo‘llanilgan", - dedi Diallo.
