«Реал Мадрид» кейинги трансфер ойналарида таркибини кучайтириш устида ишламоқда. «Todofichajes» портали ўз саҳифаларида хабар беришича, Мадрид клуби «Сандерленд» ярим ҳимоячиси Крис Риггага кўз тиккан. Гап юқори мақомли клублар эътиборини тортган 17 ёшли иқтидорли футболчи ҳақида кетмоқда. Риггага «Манчестер Юнайтед» ва Дортмунднинг «Боруссия» клублари ҳам қизиқиш билдирмоқда.
«Transfermarkt» портали Крис Риггани 300 минг еврога баҳолайди. Шу билан бирга, англиялик ярим ҳимоячининг нархи яқин келажакда сезиларли даражада ошиши мумкин.
