"Реал Мадрид" кейинги трансфер ойналарида таркибини кучайтириш устида ишламоқда.
TodoFichajes портали ўз саҳифаларида хабар беришича, Мадрид клуби "Сандерленд" ярим ҳимоячиси Крис Риггга кўз тиккан.
Гап юқори мақомли клублар эътиборини тортган 17 ёшли иқтидорли футболчи ҳақида кетмоқда. Риггга “Манчестер Юнайтед” ва Дортмунднинг “Боруссия” клублари ҳам қизиқиш билдирмоқда.
Transfermarkt портали Крис Риггни 300 минг еврога баҳолайди. Шу билан бирга, англиялик ярим ҳимоячининг нархи яқин келажакда сезиларли даражада ошиши мумкин.
"Сандерленд" Англиянинг иккинчи олий дивизиони - Чемпионшипда ўйнайди.
