"Бавария" Жамол Мусиалага янги фойдали шартнома таклиф қилди.

Bayern & Germany инсайдер Фабрицио Романога таяниб ёзганидек, томонлар бу масала бўйича музокараларни бошламоқда, бироқ у тезда ҳал бўлиши даргумон.

Немислар ярим ҳимоячини клубда қолдириши учун унга белгиланган катта маош, нафақа ва махсус бонуслар кўринишидаги пул таклиф қилишга тайёр. Клубнинг мақсади 2025 йилнинг ёзига қадар, яъни футболчининг шартномаси тугашига бир йил қолганида вазиятни ҳал қилиш.

Қайд этилишича, 21 ёшли футболчига топ-клублар, жумладан, «Реал» ва «Манчестер Сити» қизиқиш билдирмоқда ва агар у «Бавария» билан янги шартнома борасида келиша олмаса, улар бу борада курашда иштирок этишга тайёр.