"Марсель" ҳужумчиси Мейсон Гринвуд мухлислар томонидан ойнинг энг яхши футболчиси деб топилганидан кейин ўз фиклари билан ўртоқлашди.
"Мен жамоада бир ойдан бери ўйнаяпман. Ушбу мукофотни олиш ақл бовар қилмайди.
Менга овоз берган мухлисларга миннатдорчилик билдираман, улардан жуда миннатдорман, лекин жамоадошларим, мураббийим, ходимлар ва менга ёрдам берган клубдаги барча инсонларсиз бу совринни қўлга киритиб бўлмасди.
Бу ақл бовар қилмайдиган, мен ҳеч қачон бундай томошабинни кўрмаганман. Мен Европанинг кўплаб стадионларида ўйнаганман ва бу энг юқориси. "Марсель" учун шу стадионда ўйнаш ва "Реймс"га қарши ўйинда биринчи голимни уриш мен учун катта аҳамиятга эга эди. Умид қиламанки, яна кўплаб голлар бўлади", - деди Гринвуд RMC билан суҳбатда.
Жорий мавсумда ҳужумчи учта ўйинда 5 та гол урди ва 1 та голли узатмани амалга оширди.
