Нуфузли "GivemeSport" нашри дунёдаги энг кўп маош олувчи мураббийлар рейтингини эълон қилди.
Рўйхатнинг биринчи поғонасини Саудия Арабистони терма жамоасининг италиялик бош мураббийи Роберто Манчини эгаллаб турибди. Унинг даромади йилига 21,5 миллион фунтни ташкил қилади.
Иккинчи ўринда йиллик даромади 20 миллион фунт стерлингни ташкил этган Англиянинг «Ман Сити» клубининг каталониялик мураббийи Пеп Гвардиола.
Учинчи ўринда эса 10,1 миллион фунт стерлинг маоши билан «Атлетико Мадрид»нинг аргентиналик мураббийи Диего Симеоне.
Кучли бешликдан, шунингдек, «Реал Мадрид»нинг италиялик энтренадори Карло Анчелотти (9,6 миллион) ва Лондоннинг «Арсенал» клубининг испаниялик мураббийи Микель Артета (9 миллион) жой олган.
