"Милан", "Интер" ва бошқа кўплаб Европа клубларининг собиқ ҳужумчиси Марио Балотелли Италия А Сериясига қайтиш истагини билдирди.

"Машғулот ўтказяпман, яхши ишлаяпман. Мен келажагим ҳақида хотиржамман. Фақат шуни айтмоқчиманки, менга хориждан таклифлар бўлган. Лекин менда Италияга қайтиш истаги бор. Буни кутганман ва шундай имконият пайдо бўлишига умид қиламан. Мен тайёрман", - дейди Балотелли.

Балотеллининг сўнгги клуби Туркиянинг “Адана Демирспор” клуби бўлган. Италиялик ҳужумчи энди эркин агент ҳисобланади. Футболчи Туркия Суперлигасининг ўтган мавсумида 16 та ўйинда қатнашиб, 7 та гол ва битта голли узатмага муаллифлик қилган.