"Милан" футболчиси Рубен Лофтус-Чик Англия терма жамоасига қайтиши мумкинлиги ҳақидаги саволга жавоб берди.
Ярим ҳимоячи 2017-2018 йиллар давомида Англия терма жамоаси сафида ўнта ўйин ўтказган. Ўшандан бери у "уч шерлар" сафига таклиф қилинмади.
"Агар Ли Карсли менга қўнғироқ қилмоқчи бўлса, илтимос, шундай қилсин. Лекин ҳозир бутун эътиборимни клуб ишларига қаратганман.
Мен анчадан бери терма жамоада ўйнаганим йўқ, лекин агар бу жамоада яна ўйнаш имкониятини қўлга киритиш учун ўзимни исботлай олсам, бу ажойиб бўлади", - дейди 28 ёшли ярим ҳимоячи.
