"Барселона" бош мураббийи Ханс-Дитер Флик жамоа ҳужумчиси Роберт Левандовски билан ҳамкорлиги ҳақида фикр билдирди.
"Левандовски жамоа учун нафақат майдонда, балки кийиниш хонасида ҳам муҳим. У катта тажрибага эга ажойиб футболчи. Ҳатто шу ёшда ҳам у ақл бовар қилмайдиган профессионал ва Робертнинг жамоада бўлгани яхши", - дейди Флик Barça Universal билан суҳбатда.
Жорий мавсумда Левандовски барча мусобақаларда бешта ўйинда қатнашиб, тўртта гол ва иккита голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
