"Манчестер Сити" ҳимоячиси Мануэль Аканжи тиғиз ўйин тақвими ҳақида гапирди.
"Чемпионлар лигасида ҳамма нарса қийинлашди. Биз турли жамоалар билан ўйнашимиз керак, "Интер"да эса бошқа рақиблар бор. Биринчи босқич шунчаки катталашди, кўпроқ ўйинлар пайдо бўлди. Аввал олтита эди, ҳозир эса ўнта бўлиши мумкин.
Мавсум охирида бизни клублар ўртасидаги жаҳон чемпионати кутиб турибди. Битта ўйин бошқасидан кейин келади ва буларнинг барчаси бир неча мавсум давомида қандай ишлашини тасаввур қила олмайман. Бу жуда қийин бўлади, сиз нафақат жорий мавсум, балки кейинги мавсум ҳақида ҳам ўйлайсиз. Тасаввур қилинг-а, биз лига ёки кубокда ғолиб чиқамиз, кейин клублар ўртасидаги жаҳон чемпионати финалига чиқамиз - кейин Англия Суперкубоги атиги уч ҳафтадан сўнг бўлади. Таътил қачон бўлади?
Қишда танаффус бўлмайди. Насиб қилса, икки ҳафта дам оламиз, кейин эса янги мавсумга тайёргарлик кўришимиз керак. 2026 йилда эса жаҳон чемпионати ҳам бўлади. Ва охири кўринмайди.
Бундан нима бўлишини билмайман. Балки 30 ёшимда нафақага чиқаман!" - деди Аканжи.
