15 сентябрь куни Саудия Арабистони чемпионати олий лигасининг 3-тур учрашуви бўлиб ўтди ва унда «Ал-Иттиҳод» жамоаси «Ал-Ваҳда»ни йирик ҳисобда (7:1) мағлуб этди.
Ушбу учрашувда мезбонлар сафида франциялик ҳужумчи Карим Бензема хет-трик қайд этди.
Бу ўйинда «Ал-Иттиҳод» вингери Мусса Диаби 4 та голга ассистентлик қилган бўлса, яна бир қанот ҳужумчиси Стивен Бергвейн Бензема учун 2 та голли узатмани амалга оширди.
Лигада голли узатмалар сони бўйича Диаби пешқадамга айланиб олди.
Ушбу ўйиндан сўнг Бензема 3 учрашувда 4 та гол уриб, чемпионат тўпурарлари рўйхатида 2-ўринга чиқиб олди.
Саудия Арабистони чемпионатида энг сермаҳсул ўйинчи «Ал-Ҳилол»нинг сербиялик ҳужумчиси Александр Митрович бўлиб, у турнирнинг дастлабки 3 ўйинида 6 бор рақиблар дарвозасини ишғол қилган.
