15 sentyabr kuni Saudiya Arabistoni chempionati oliy ligasining 3-tur uchrashuvi bo‘lib o‘tdi va unda «Al-Ittihod» jamoasi «Al-Vahda»ni yirik hisobda (7:1) mag‘lub etdi.
Ushbu uchrashuvda mezbonlar safida fransiyalik hujumchi Karim Benzema xet-trik qayd etdi.
Bu o‘yinda «Al-Ittihod» vingeri Mussa Diabi 4 ta golga assistentlik qilgan bo‘lsa, yana bir qanot hujumchisi Stiven Bergveyn Benzema uchun 2 ta golli uzatmani amalga oshirdi.
Ligada golli uzatmalar soni bo‘yicha Diabi peshqadamga aylanib oldi.
Ushbu o‘yindan so‘ng Benzema 3 uchrashuvda 4 ta gol urib, chempionat to‘purarlari ro‘yxatida 2-o‘ringa chiqib oldi.
Saudiya Arabistoni chempionatida eng sermahsul o‘yinchi «Al-Hilol»ning serbiyalik hujumchisi Aleksandr Mitrovich bo‘lib, u turnirning dastlabki 3 o‘yinida 6 bor raqiblar darvozasini ishg‘ol qilgan.
%20mag%26amp%3Blsquo%3Blub%20etdi.&image=%2Fimages%2Fnews%2F%D0%B0%D0%BB-%D0%B8%D1%82%D1%82%D0%B8%D2%B3%D0%BE%D0%B4.jpg&noparse=true){kind=link}