Мадриднинг "Реал" клуби ёзда ярим ҳимоячиси Эдуардо Камавингани сотиши мумкин эди. Relevo нашри хабарига кўра, "Қироллик клуби" франциялик футболчини трансфер қилиш бўйича бир қанча таклифлар олган, бироқ ўз футболчисини сотишдан бош тортган.

Қайд этилишича, "Реал" Камавинганинг имкониятларига ишонади ва бу мавсумда ярим ҳимоячидан олдинга силжишни кутмоқда. "Қироллик клуби" Тони Кроос кетганидан сўнг Эдуардо янги босқичга чиқишига умид қилмоқда. Камавинга 2021 йилнинг ёзида Франциянинг "Ренн" клубидан "Реал"га ўтган эди. Ҳозирда Эдуардо жароҳатидан фориғ бўлмоқда. Ярим ҳимоячи шу ой охирида сафга қайтиши керак.