Суперлиганинг 18-туридан ўрин олган "Олимпик" – "Металлург" (1:1) учрашувидан сўнг меҳмонлар бош мураббийи Григорий Колосовский матбуот анжуманида иштирок этди.
"Қийин ўйин бўлди. Учрашув давомида жуда кўп қоидабузарликлар кузатилди. Негадир барча қоидабузарликда битта жамоа фойдасини кўзлаб қарор чиқарилди. Ҳакамлик ўйинга мос бўлмади. Ўйинни назорат қилишга интилдик. Қарши ҳужумда гол ўтказиб юборганимиз аламли. Ғалабага жуда яқин эдик. Вазиятлар бўлаяпти, аммо якунлашда муаммога дуч келаяпмиз. Кузатаётган бўлсангиз, ҳар ўйинда голли вазиятлар яратамиз, бироқ якуний зарбаларга аниқлик етишмаяпти.
Бугунги натижадан сўнг "Металлург"нинг Суперлигада сақлаб қолиш имкониятини қандай баҳолайсиз?- Назарий жиҳатдан имкониятимиз бор. Шундай экан, охиригача курашамиз. Жамоанинг мақсади ҳозир Суперлигадаги ўрнимизни сақлаб қолишга қаратилган. Албатта, муддатидан олдин таслим бўлмаймиз" - деди Колосовский.
