45-Бутунжаҳон шахмат олимпиадасида 6-тур ўйинлари бўлиб ўтмоқда. Ўзбекистон эркаклар терма жамоаси Исроил устидан қийин ғалабага эришган бўлса, қизларимиз кучли рақиб билан дуранг ўйнади.

Жавоҳир Синдаров қўпол хато эвазига ютқазиб қўйди ва Исроил ҳисобни очди. Шундан сўнг Нодирбек Ёқуббоев ғалабага эришди ва ҳисобни тенглаштирди.

Нодирбек Абдусатторов эса рақибини цейтнотга киришга мажбур қилди ва ғалабани ўз томонига оғдирди. Шундан сўнг Шамсиддин Воҳидов рақиб билан дурангга эришди. Якуний ҳисоб — 2,5 - 1,5.

Қизларимиз эса Нидерландия билан дуранг қайд этишди. Нодира Нодиржонова рақибини тезкорлик билан мағлуб этган бўлса, Умида Омонова мағлубиятга учради. Афруза Ҳамдамова ва Нилуфар Ёқуббоева ўз партияларини дуранг билан якунлашди.

Ушбу ғалабадан кейин Ўзбекистон эркаклар терма жамоаси ўз очколарини 10 тага етказиб, кучли бешликка кириб олди. Аёлларимиз эса 15 таликда қолиши керак.

Мусобақада эртага дам олиш куни. 7-тур баҳслари 18 сентябрь куни бўлиб ўтади.

Эркаклар терма жамоамиз:

ЎЗБЕКИСТОН - Исроил - 2,5 - 1,5.
Нодирбек Абдусатторов - Максим Родштейн - 1:0
Нодирбек Ёқуббоев - Идо Горштейн - 1:0
Жавоҳир Синдаров - Тамир Набатий - 0:1
Шамсиддин Воҳидов - Илья Смирин - 0,5:0,5

Аёллар терма жамоамиз

ЎЗБЕКИСТОН - Нидерландия - 2 - 2.
Афруза Ҳамдамова - Элине Роеберс - 0,5 - 0,5
Нилуфар Ёқуббоева - Жаокин Пенг - 0,5 - 0,5
Умида Омонова - Мачтелд ван Фореест - 0 - 1
Нодира Нодиржонова - Анна-Мая Казариян - 1 - 0