"Реал"нинг собиқ ярим ҳимоячиси Сами Хедира Карло Анчелоттининг ёндашуви ҳақида гапирди. Немис футболчиси 2013 йилдан 2015 йилгача италиялик мураббий қўл остида ишлаган.
"2013/14 йилги мавсумда жароҳат олганимда жаҳон чемпионатига қадар тикланиш учун вақтим бор-йўқлиги номаълум эди. Бу даврда Анчелотти мени жуда қўллаб-қувватлади. Мен ўзимни жамоанинг ажралмас қисмидек ҳис қилдим. Футболчи сифатида Карло учун ҳамма нарсани берасиз, чунки у сизга ишонч ва куч беради. У футболчиларни тайёрламайди, одамлар билан ишлайди", деди собиқ футболчи.
Хедира 2021 йилда фаолиятини якунлаган.
