“Удинезе” тўрт турдан сўнг А Сериянинг якка пешқадами бўлди.
Коста Рунянич шогирдлари Италия чемпионатида учта ғалаба ва бир дуранг ўйнаган. Бугун улар ўйиннинг 43-дақиқасида 0:2 ҳисобида мағлуб бўлаётган вақтда "Парма"ни 3:2 ҳисобида мағлуб этишди.
Энди уларда 10 очко бор. Турнир жадвалида 2-ўринни эгаллаб турган “Наполи” ҳисобида 9 очко бор.
Охирги марта 2011/12 йилги мавсумда “Удинезе” турнир жадвалида якка етакчилик қилганди. Ўшанда клуб 15 очко тўплади ва дастлабки еттита ўйинда мағлуб бўлмади ва ўша давр мобайнида фақат битта гол ўтказиб юборди.
