"Бавария" бош мураббийи Венсан Компани Чемпионлар лигасидаги бўлажак ўйиндаги рақиб Загребнинг "Динамо"си ҳақида ўз фикрлари билан ўртоқлашди.
Мюнхенликлар сешанба куни энг нуфузли еврокубокнинг асосий босқичининг биринчи тури доирасида Хорватиянинг амалдаги чемпионини қабул қилади.
"Биз учун Загребнинг “Динамо”си ва “Барселона”га қарши ўйинлар ўртасида фарқ бўлмаслиги керак. Рақиб ким бўлишидан қатъий назар ўз олдимизга қўйган мақсадимизга эришиб, ғалаба қозонишни истаймиз. Биз рақибларимизнинг кучли ва заиф томонларини биламиз", - деди белгиялик мураббий.
"Бавария" - "Динамо Загреб" учрашуви Тошкент вақти билан соат 00:00да бошланади. Мюнхенликлар 23 октабр куни “Барселона” билан учрашади.
