"Бавария" спорт директори лавозимини эгаллаб турган Макс Эберль Йозуа Киммихнинг келажаги ҳақида гапирди.

29 ёшли Киммихнинг амалдаги шартномаси 2025 йилнинг ўрталарига қадар мўлжалланган бўлиб, яқинда миш-мишлар футболчини испан грандлари - "Реал Мадрид" ва "Барселона" билан фаол боғлашди.

"Бизга Киммих лойиҳанинг юзи бўлиши керак. Унинг чиқишлари, формаси, юраги... у шу учун мўлжалланган. У келажакда "Бавария" сардори бўлиши керак. Лекин биринчи навбатда шартномани узайтиришимиз керак", - деди Эберль BR24 билан суҳбатда.

Йозуа Киммих ҳимоянинг ўнг қанотида ҳам, марказий ярим ҳимоячи сифатида ҳам ўйнашга қодир.