Бугун УЕФА Чемпионлар Лигаси янги форматда бошланади. Турнирнинг илк учрашувларидан бири Туриннинг “Ювентус” ҳамда “ПСВ Эйндховен” жамоалари ўртасидаги ўйиндир.
Қизиғи шундаки, "Ювентус" бош мураббийи Тьяго Мотта учун бу Чемпионлар лигасида бош мураббий сифатидаги илк ўйини бўлади.
Эслатиб ўтамиз, Мотта ўтган мавсумда "бьянконерилар"ни қабул қилиб олган эди. У аввалроқ “Женоа”, “Специя” ва “Болонья” клубларида бош мураббий бўлиб ишлаган, шунингдек, “ПСЖ”да ёшлар жамоасини бошқарган.
Ҳозир ёш мутахассис 42 ёшда. Айтганча, Мотта А Сериянинг сўнгги мавсумида "Болонья"ни Чемпионлар лигасига олиб чиққанди.
