"Бавария" Чемпионлар лигаси умумий босқичи 1-тур учрашувида Загребнинг "Динамо" жамоасини мағлуб этди - 9:2.
Мюнхенликлар жамоаси ҳужумчиси Харри Кейн ушбу учрашувда покер қайд этди ва голларнинг учтасини пенальтидан киритди. Мезбонларнинг бошқа голларига Рафаэль Геррейро, Лерой Сане, Леон Горецка ва дубл қайд этган Олисе муаллифлик қилишди. Хорватия клуби сафида Бруно Петкович ва Такуя Огивара гол уришди.
"Бавария" турнир жадвалида биринчи ўринни эгаллаб турибди.
2 октабр куни Чемпионлар лигасининг навбатдаги ўйинида “Бавария” “Астон Вилла”га қарши ўйнайди.
