Мадриднинг “Реал” клуби дарвозабони Тибо Куртуа Чемпионлар лигасининг биринчи ўйинида “Штутгарт” устидан қозонилган ғалабадан сўнг (3:1) ўз фикрлари билан ўртоқлашди.
"Менимча, бу Чемпионлар лигасидаги одатий Мадрид ўйини бўлди! Бизда ҳар доим қийин ўйинлар бўлади, баъзида биз ҳамма нарсани ўзимиз мураккаблаштирамиз, лекин биз "Штутгарт"га қарши яхши ўйнадик. Улар юқори прессинг қилишди, ҳужумда ҳақиқатдан ҳам хавфли вазиятлар яратишди.
“Штутгарт” бир қанча имкониятларни бой берди ва шу қадар юқори ўйнадики, улар бизни ортда қолдирди. Бизда кўп имкониятлар бўлди, бироқ биз ҳар доим ҳам тўғри пас топа олмадик ёки имкониятларни аниқ амалга ошира олмадик", - деди Куртуа УЕФА сайтига.