Симоне Индзаги Чемпионлар лигасида "Манчестер Сити" билан ўйиндан нима кутаётгани ҳақида гапирди.
"Биз жуда уюшган жамоага дуч келамиз. Йиллар давомида ўз уйларида мағлуб бўлишмади. Учрашувга тайёргарлик кўриш учун бир кунимиз бор эди, лекин биз нима қилишимиз кераклигини биламиз. Ажойиб ўйин ўтказишимиз кераклигини биламиз. Буни футболчилар ҳам тушунишади.
Халқаро танаффус пайтида кўплаб футболчиларимиз Европа ва бутун дунёда ўйнашди. Кўпроқ ўйнашимиз кераклигини биламиз, чунки еврокубокларда ўйин даражаси юқорироқ.
Дч келиши мумкин бўлган энг ёмон рақиблар "Манчестер Сити", "Реал Мадрид", "Ливерпуль" ва "Арсенал" эди. Энди биз "Манчестер Сити"га қарши ўйиндан бошлаймиз ва умид қиламизки, ҳаммаси биз учун яхши бўлади.
Мен буни реванш деб ҳисобламайман, чунки бу саралаш баҳси. Ҳеч нарсадан афсусланмайман, чунки Истанбулда жамоам борини берди. Бу янги мусобақа, биз саккиз хил ўйинга тайёргарлик кўришимиз керак. Турнир янада шиддатли бўлади, аммо бу формат ўз самарасини бериши шубҳасиз. Умид қиламизки, яхши ўйин кўрсатамиз" - деди “Интер” бош мураббийи.
