17 сентябрь куни ПФЛ мутахассислари Андижон вилоятининг Булоқбоши туманида бўлиб, "Андижон" клуби учун барпо этилаётган замонавий қароргоҳнинг қурилиш ишлари билан танишди.
Ўз тузилмасини босқичма-босқич ривожлантириб келаётган "Андижон" клубининг ҳозирга қадар қароргоҳи мавжуд эмасди. Бунинг оқибатида асосий таркиб билан ишлаш масаласида қаторлар муаммолар юзага келган.
Шаҳар марказидан таҳминан 20 дақиқалик йўлда жойлашган маскан ўз ҳавоси, сокинлиги, сув ҳавзасига яқин жойлашгани ва бошқа имкониятлари сабаб асосий таркиб ҳамда У-21 жамоасининг тайёргарлиги учун қатор қулайликлар тақдим эта олади.
Июл ойида қурилиши старт олган қароргоҳ бир вақтнинг ўзида 80 кишини ўз бағрига сиғдира олади. Қурилиш ишлари 2025-йилнинг март ойида якунланиши режалаштирилган.
