"Арсенал"нинг собиқ футболчиси гиёҳванд моддалар контрабандасида гумонланиб ҳибсга олинди.

Шотландиянинг иккинчи кучли лигаси вакили "Гринок Мортон" клуби ярим ҳимоячиси 18 сентябрь куни эрталаб қўлга олинди. Ҳибсга олиниши 2 сентябрь куни Британия чегарачилари Бангкокдан учаётган самолётда Лондоннинг "Станстед" аэропортига келган бир нечта жомадонда марихуана топгани билан боғлиқ. Топилган дори воситаларининг қиймати 600 минг фунтга баҳоланмоқда.

Эммануэль-Томас гиёҳванд моддалар контрабандасида айбланмоқда. 33 ёшли футболчи бугун судга чиқади.

Эммануэль-Томас "Арсенал" тарбияланувчиси ва клуб сафида 5 та ўйин ўтказган. Фаолияти давомида у "Бристол Сити", "Ипсвич" ва бошқа клубларда ҳам ўйнаган.