УЕФА Чемпионлар лигаси умумий босқичи биринчи турининг энг яхши футболчиси бўлиш учун тўртта номзодни танлади.
Рўйхатда биринчи ўринда “Бавария”нинг Загребнинг “Динамо” клубига (9:2) қарши ўйинида гол урган Харри Кейн. Эътиборлиси, инглиз футболчиси ўзининг тўртта голидан учтасини пенальтидан киритган.
Германия Бундеслигасининг яна икки вакили ҳам соврин учун курашади – “Байер”дан Флориан Вирц ва “Брюгге”га қарши ўйинда дубль қайд этган “Боруссия Дортмунд”дан Жейми Гиттенс.
Германия чемпионатидан бўлмаган ягона даъвогар - "Атлетико Мадрид" шарафини ҳимоя қилаётган Антуан Гризманн. Франциялик футболчи "РБ Лейпциг"га қарши ўйинда (2:1) гол урди ва голли узатмани амалга оширди.
