19 сентябр, пайшанба куни Чемпионлар лигасининг 1-туридан ўрин олган “Монако” – “Барселона” учрашуви бўлиб ўтди. Учрашув 2:1 ҳисобида монегаскликларнинг ғалабаси билан якунланди.

Ламин Ямал каталонияликлар сафида ўйнади. Бу унинг Чемпионлар лигасидаги 11-учрашуви бўлди. Ўйин вақтида у 17 ёшу 68 кунлик эди.

Шу тариқа, испаниялик 18 ёшгача бўлганлар ўртасида турнирдаги ўйинлар сони бўйича мутлақ рекордчига айланди. Ламин Жуд Беллингем, Юри Тилеманс ва Уоррен Заир-Эмерини (барчаси 10та) ортда қолдирди.

Шунингдек, у турнир тарихидаги энг ёш иккинчи гол муаллифига айланди. Испаниялик футболчи 17 ёшу 40 кунлигида Чемпионлар лигасида дебют голини урган жамоадоши Ансу Фатини ортда қолдирди.