"Манчестер Сити" бош мураббийи Пеп Гвардиола баъзи футболчиларнинг тиғиз тақвим туфайли эҳтимолий иш ташлаши ҳақидаги гапларига изоҳ берди.
"Кўпчилик футболчилар ҳақида биринчи марта гапираётган бўлиши мумкин. Ишончим комилки, агар бирор нарсани ўзгартириш мумкин бўлса, бу футболчилар бўлиши керак.
Фақат улар ҳамма нарсани ўзгартириши мумкин. Футбол бизнеси мураббийларсиз, спорт директорларисиз, оммавий ахборот воситаларисиз мавжуд бўлиши мумкин, аммо футболчиларсиз футбол бўлмайди.
Нафақат Родри, балки бошқалар ҳам тақвим ҳақида гапира бошлашди. Кўрамиз", - деди Гвардиола матбуот анжуманида.
