"Manchester Siti" bosh murabbiyi Pep Gvardiola ba’zi futbolchilarning tig‘iz taqvim tufayli ehtimoliy ish tashlashi haqidagi gaplariga izoh berdi.
"Ko‘pchilik futbolchilar haqida birinchi marta gapirayotgan bo‘lishi mumkin. Ishonchim komilki, agar biror narsani o‘zgartirish mumkin bo‘lsa, bu futbolchilar bo‘lishi kerak.
Faqat ular hamma narsani o‘zgartirishi mumkin. Futbol biznesi murabbiylarsiz, sport direktorlarisiz, ommaviy axborot vositalarisiz mavjud bo‘lishi mumkin, ammo futbolchilarsiz futbol bo‘lmaydi.
Nafaqat Rodri, balki boshqalar ham taqvim haqida gapira boshlashdi. Ko‘ramiz", - dedi Gvardiola matbuot anjumanida.
