“Бунёдкор”нинг ОсиёЧемпионлар лигаси 1/8 финалдаги рақиби – “Бурирам Юнайтед” клуби бош мураббийи жамоадан кетгани ҳақида хабар бериб ўтгандик.

Клуб раҳбарияти ва жамоа бош мураббийи ўртасидаги келишмовчилик натижасида Аттапхол Буспаком ўз лавозимини тарк этди. Айни пайтда “Бурирам Юнайтед” бош мураббийсиз.

14 май куни Таиландда бўлиб ўтадиган “Бурирам Юнайтед” – “Бунёдкор” учрашувида майдон эгалари сафида икки нафар ҳам футболчи қатнаша олмайди. Бурирамликларнинг испаниялик легионери – Кармело Гонсалез ҳамда жамоа сардори – Сучао Нутнумнинг сариқ карточкалари сони иккитага етганлиги боис, улар “қалдирғочлар” билан бўлиб ўтадиган биринчи баҳсда иштирок этмайдилар.