Лондондаги “Уэмбли” стадионида бўлиб ўтган, вакант бўлиб турган оғир вазн тоифасидаги жаҳон чемпионлиги унвони учун кечган жангда британиялик Даниэль Дюбуа ҳамюрти Энтони Жошуани мағлуб этди.
Жанг беш раунддан камроқ вақт давом этди. Айнан ушбу раундда Дюбуа рақибини нокаутга учратди. Бу жанг Жошуанинг илк бор нокаут билан мағлуб бўлиши сифатида тарихга кирди.
Жошуа 2017 йилдан 2021 йилгача Жаҳон бокс ассоциацияси (WBA), Бутунжаҳон бокс ташкилоти (WBO) ва IFB бўйича оғир вазн тоифасида жаҳон чемпиони бўлганди. 34 ёшли британиялик 28 та ғалаба ва 4 та мағлубиятга учраган.
27 ёшли Дюбуа ҳисобида 22 ғалаба ва иккита мағлубият бор. 2023 йил август ойида Усик уни чемпионлик жангида мағлуб этган.
