Симоне Индзаги клуб раҳбарияти билан мавсумнинг ёмон стартини муҳокама қилади.
"Нерадзуррилар" А Сериянинг дастлабки беш турида 8 очко тўплашди. Бу жамоанинг Индзагининг 4 йиллик фаолиятидаги энг ёмон натижасидир.
"Интер"нинг бугунги машғулотини клуб президенти Беппе Маротта, вице-президент Хавьер Занетти ва бошқа раҳбарлар кузатиб боришади. Шунингдек, улар мураббий билан мавсум бошидаги муаммоларни муҳокама қилишади.
La Gazzetta dello Sport нашрининг таъкидлашича, клуб бошланғич натижалар муҳимлигини бўрттириб кўрсатмайди, хавотир йўқ. Индзагининг ўзи вазиятни тўғирлашига ишончи комил.
