Simone Indzagi klub rahbariyati bilan mavsumning yomon startini muhokama qiladi.
"Neradzurrilar" A Seriyaning dastlabki besh turida 8 ochko to‘plashdi. Bu jamoaning Indzagining 4 yillik faoliyatidagi eng yomon natijasidir.
"Inter"ning bugungi mashg‘ulotini klub prezidenti Beppe Marotta, vise-prezident Xavyer Zanetti va boshqa rahbarlar kuzatib borishadi. Shuningdek, ular murabbiy bilan mavsum boshidagi muammolarni muhokama qilishadi.
La Gazzetta dello Sport nashrining ta’kidlashicha, klub boshlang‘ich natijalar muhimligini bo‘rttirib ko‘rsatmaydi, xavotir yo‘q. Indzagining o‘zi vaziyatni to‘g‘irlashiga ishonchi komil.
