Рафаэль Варан "Комо" учун бир ўйин ва тиззасидан олган жароҳатидан сўнг фаолиятини якунлаганини эълон қилди. "Реал Мадрид" франциялик футболчининг қарорига жавоб қайтарди.
"Лос Бланкос" Варанга кўрсатган ўйинлари учун миннатдорчилик билдирди ва уни клуб афсонаси деб атади. Шунингдек, "Реал Мадрид" сайтида Рафаэлнинг Мадрид жамоасидаги ютуқлари ва бошқалар санаб ўтилган.
"Варан "Реал Мадрид" мухлислари қалбида клуб тарихидаги энг буюк марказий ҳимоячилардан бири сифатида абадий қолади ва ҳар доим қадриятларимизни ўзида мужассамлаштиради. "Реал Мадрид" унга ва унинг бутун оиласига ҳаётининг янги босқичида омад тилайди", - дейилади клуб баёнотида.
Рафаэль Варан 2011-2021-йилларда “Реал” сафида тўп тепган. Бу вақт ичида у кўплаб унвонларни қўлга киритди, жумладан тўртта Чемпионлар Лигаси кубогида зафар қучди.
